Толорооччу | Ырыа аата | Ырыа тыллара, мелодията | Ырыа тыла | Плеер |
---|---|---|---|---|
Николай Сибиряков | Ньургуһуннар | Н.Сибиряков тыла, мелодията | Харалдьыкка сааһын
Аайытын тыллар кэрэ Нарын сибэкки ньургун Ньургуһунуом Сырдык күнүм ыраас Чаҕылхай кыыма буолан Ирбэт тоҥ буорга үүнэр Дьикти сибэкки Хос ырыата Ньургуһуннар тыллаллар Мин хонуубун толороллор 2 төгүл Ньургуһуннар, ньургуһуннар сибэккилэр Сахам сирин килбик Кийиитэ буолан тыллар Алааһым нарын кыыһа Ньургуһунуом Эрэнэбин өрүү Маннык буолуо диэн Сиргэ Таптал дьол кэмэ кэлиэ Олохпутугар Хос ырыата |
|
Николай Сибиряков | Оҕо сааһым көмүс күннэрэ | Н.Сибиряков тыла, мелодията |
Сибэккилээх сыһыыларга, кырдалларга
Сүүрэр көтөр оҕо сааһым ааспыта Ол онтон мин аҕаллым Күндү көмүс күннэрбин Кэрии тыаҕа кэҕэ этэн чоргуйара, Куула тыаҕа кыра чыычаах ыллыыра Күн кустугун тутаары Күөх хонууга көрдүүрүм Хос ырыата Ханна да буолларбын Хаһан да буолларбын өйдүүбүн- Оҕо сааһым көмүс күннэрин Сибэккилээх хонууларын 2 төгүл Ыраас ууну ыһыахтана сөтүөлүүрүм Күнү көрсө үрүҥ түүҥҥэ тахсарым Түптэ сыта, буруота Тунаарара алааспар Сааһын аайы харалдьыкка ньургуһунум ¥үнэн тахсар кэрэтин кэтэһэрим Оҕо эрдэхтэн өйдүүбүн Ийэм илиитин сылааһын Хос ырыата |
|
Николай Сибиряков | Дьикти сайын | Н.Сибиряков тыла, мелодията | Дьикти, дьикти сайын
Мин олохпор ааспыта Баарын дии мин доҕоруом Эн ол онно. Чуумпу киэһэлэргэ Кэтэһэрим эйигин Киэҥ өрүс кытылыгар Кытылыгар. Хос ырыата Таптал кэлэн ааспытын Билбэтэх эбиппин мин 2 төгүл Эн биһиги иккиэн Олохпутугар. Хас саас, хас сайын Аастаҕын аайы өрүү Саныыбын ол сайыны, Ол күһүнү. Тапталбыт күһүнэ Кэлбитин билбэтэхпит Хаарынан саппыта Кытылбытын. Хос ырыата |
|
Николай Сибиряков | Ардах музыката | Н.Сибиряков тыла, мелодията | Күһүҥҥү куораппар
Курус ардах түһэр Наҕыл ырыа тыла буолан Толорор тулабын бүгүн эмиэ Түннүкпэр чурулуур Таммах уута сүүрэр Кураанах уулуссаҕа биир эмит Хойутаабыт киһи сүүрэн ааһар Ардах түһэр, ардах түһэр Таммах ыһар суолга Эргиччи күһүҥҥү ырыа иһиллэр Дууһабар уһуктар Дьикти иэйии тыына Тулабын толорор биир эрэ Музыка ... Ардах музыката Таптыыбын күһүнү Сибэкки тылларын Бүтэһик төгүл бэлэхтиир кини Чаҕыл күнү, сайын тыынын Туох буолуой ааһыаҕа Ардах астыаҕа Хаалыаҕа салгыҥҥа сырдык санаа Күһүҥҥү ырыа курус тыла Хос ырыата |
|
Николай Сибиряков | Сэбирдэхтэр умайаллар | Н.Сибиряков тыла, мелодията | Күһүҥҥү киэһэ чараҥҥа
Күн уотугар умайбыт Сэбирдэхтэр таммалыыллар ... Курус ырыа тыла буолан Сиргэ түһэр алтан оһуор Кыһыл көмүс сэбирдэхтэр Хос ырыата Сэбирдэхтэр умайаллар 2 төгүл Мин тулабын ыһаллар Ааспыт таптал кытылыгар Хаамабын мин оргууй аҕай Сэбирдэхтэр быыстарынан Санньыар санаам ымыыта Тохтор ыардык ырас ууга Күн кыырпаҕа сэбирдэхтэр Хос ырыата |
|
Николай Сибиряков | Хаар түһэр | Н.Сибиряков тыла, мелодията | Бүгүн үтүөкэн күн
Чуумпу нарын киэһэ Тулабар ыһыллар Көмүс мөһүүрэ Наҕыллык хаар түһэр Ырыа тыла буолан Эйигин кэтэһэр Чуумпу киэһэбэр Хос ырыата Тулабын толорор Сырдык санаа кыыма Иһийбит куораппар Маҥнайгы хаар түһэр, хаар түһэр Таптыыбын мин хаары Кини намыын тылын Бу кэрэтин ырааһыан Маҥнайгы хаар түһэр, хаар түһэр Хаар түһэр Ытыспар ууллардым Ыраас хаар кыырпаҕын Эн биһи тапталбыт Эмиэ бу маннык Таптал ыраас тыына Эн биһи олохпут Таптал диэн бу Сиргэ Маҥнайгы хаарым Хос ырыата |
|
Николай Сибиряков | Иэйии | В.Власов тыла, Н.Сибиряков мелодията | Ырыам эн-
ардах уонна түптэ сыттааххын. Ырыам эн- дьэдьэн уонна сүөгэй амтаннааххын Хос ырыата Эйигин, оо муçыка Туохтан да таптыыбын. 2 төгул Ырыам дии, дии муннукка Дьолбуттан ытыыбын Ырыам эн- толбон уонна кустук өҥнөөххүн Ырыам эн- намыын уонна чуумпу дьүһүннээххин Хос ырыата |
|
Николай Сибиряков | Көҥүллээ | В.Власов тыла, Н.Сибиряков мелодията | Көҥүллээ- утары көрүөхпүн,
Килбиктик мичээрдии үөрүөхпүн, Сэрэнэн кууһаммын туруохпун, Сып-сылаас уоскуттан ууруохпун Хос ырыата Көҥүллээ- илиигин сиэтиэхпин, Күндүтүк саныырбын этиэхпин, Сөбүлээн «Күнүм» диэн ааттыахпын, Соҕотох Эйигин таптыахпын Көҥүллээ- Ийэбэр тэҥниэхпин, Күн Сирин кэрэтэ «Эн» диэхпин, Нарыҥҥа намчыга холуохпун, Наар маннык олоххун дьоллуохпун Хос ырыата Көҥүллээ- идэҕин өйүөхпүн, Күннээҕи түбүккүн өйдүөхпүн, Кыттыһан биир дьолу булуохпун, «Кэргэним» диир киһиҥ буолуохпун Хос ырыата |
|
Николай Сибиряков | Хатыҥнар | Н.Сибиряков тыла, мелодията | Кырдал үөһээ наскыһаллар
Күөх былааттаах хатыҥчааннар Солколоро суугунааннар Сотолоро кылбаҥнааннар Хос ырыата Тэйиччиттэн одуулууллар Тэҥкэ тииттэр, уолаттар Уоран үөһээ тыыналлар Умсугуйар уоланнар Эр бэртэрэ буоланнар Эйэргэһэн ууналлар Элбэх модьу сарыннарын Эрэлинэн тоһуйаллар Дурда-хахха күн буоланнар Тулхадыйбат санаанан Тула туран эрэннэр Тулуурдаахтык күүтэллэр Көрбүттэрэ ымсыыра Кыргыттарбыт хатыҥчааннар Кэмчиэриһэ тураахтааннар Килбигийэ сугунууллар Хос ырыата |
|
Николай Сибиряков | Доҕотторбор | Р.Данилов тыла, Н.Сибиряков мелодията | Бүгүн биһи манна мустан,
Бүппэт сэһэн-сэппэн тардан Үөрэ-көтө олорорбут Үчүгэйин, доҕотторбут Күн кэрэтин көҕүлээммит, Көрү-нары күөдьүтэммит Күө-дьаа буолан олорорбут Күндүкэтин, доҕотторбут Бары бэрди баҕарсаммыт Барҕарары алҕаһаммыт Кэккэлэһэ олорорбут Кэскиллээҕин доҕотторбут Ырыа-тойук сиэдэрэйэ Ыпсыыланан өрө дайдын Дьоһун сыты түһэрэ Дьоҥҥо мэлдьи арыаллаттын |
|
Николай Сибиряков | Дойду умсулҕана | Н.Сибиряков тыла, мелодията |
Туманнаах ыраас, тымныы сарсыарда
Эргиллэн кэллим мин бүгүн эмиэ Төрөөбүт алааһым үрдүгэр. Кэпсээ, хайдах олордуҥ, дойдум, Ахтыбыт эбиппин мин эйиигин Ырыаҕа ылламмыт кэрэҕин. Хос ырыата Күн сирин үтүө тылларынан, Күн сирин истиҥ ырыатынан Дорообо, мин дойдум Чурапчы! Ыраах сылдьаммын куруук ахтарым, Сөрүүн сүөгэй көй салгыныҥ мүөтүн. Санаабар, өрүүтүн төннөрүм Номоххо киирбит тоҕус томторгор. Улуу эбэм Тойон Тумулугар- Күн буолуҥ, бар дьонум, күн буолуҥ! Хос ырыата |
|
Николай Сибиряков | Чараҥ вальса | А.Илларионов тыла, Н.Сибиряков мелодията | Көмүс кыымы ыhыахтанан
Күhүн манна саҕаланна. Чараҥ кини солкотунан Чарыыс-чараас былаат баанна. Күhүн кэлиэн санаабакка Күннүүр-оонньуур буолуллара. Сайын манна күөх тунахха Санаа күүрэр көрө баара. Хос ырыата Тэлээриһэр сэбирдэхтэр, Тэҥҥэ-тэҥҥэ эргийдилэр, Чахчы дьикти, чахчы кэрэ - Чараҥ вальстаан, вальстаан эрэр. Күhүн лыҥкыр музыкатын Күүтэн турбут хаарыан хатыҥ Хайдах эрэ хамсаан барда, Хатыҥ аргыый наскылдьыйда. Доҕоччугуом, сүрэх үөрэр, Дууhам сырдаан кэҥээн кэлэр. Тапталбытын таайар, билэр Чараҥ бүгүн вальстаан эрэр. Хос ырыата |
|
Николай Сибиряков | Саас | В.Дьяконов тыла, Н.Сибиряков мелодията | Кыһыҥҥы тымныыбыт кыйданан,
Күн уһаан халлааммыт сылыйда, Хаар үрдэ сахсайан, харааран Бастакы харалдьыт таҕыста Күүтүүлээх маҥнайгы ньургуһун Хорсуннук тоҥ кырсы тобулан Сылыйбыт, сымнаабыт сир ньуурун Киэргэттэ араҕас өҥүнэн Хос ырыата Таптыыбын айылҕа сааскытын Чурапчым чараҥар көрсөрбүн, Күн тахсар бастакы сарыалын Айхаллаан ырыанан туойарбын Кыыдааннаах кыһынтан уһуктан Айылҕа суһуоҕун тараанна, Сайыны көрсөргө оҥостон Күөллэргэ күлүгүн көрүннэ. Кырдалга күөрэгэй ыллаата, Сааскы күн тахсарын уруйдаан, Аларга кэҕэбит чоргуйда Ырыаны- тойугу ситэрэн. Хос ырыата |
|
Николай Сибиряков | Кистэл суох, таптыыбын | Н.Сибиряков тыла, мелодията | Ол таптал абыгар уйдаран
Уот имэҥ суоһугар таптаран Ууллуоҕум тыала суох талбааран Ууллуоҕум тыала суох талбааран Онтон мин буурҕаны күүтүөҕүм Умайан хаалыа диэн түстүөҕүм Ол санаа абыгар өһүөҕүм Ол санаа абыгар өһүөҕүм, Эйиигин. Хос ырыата Кистэл суох, таптыыбын Ону мин билиниэх санаабын этиэхпин Симиттэн саарыыбын этиэхпин Симиттэн саарыыбын... Ол эрэн дьылҕабар Эн кэрэ мөссүөҥҥүн ууналлар Олоҕум суолун наар маныыллар Олоҕум суолун наар маныыллар... Туман, тыал, будулҕан биһигэр Уот буолан күлүмнүү тыгаллар Уостубат ырааны куталлар Уостубат ырааны куталлар, Эйиигин Хос ырыата |
|
Николай Сибиряков | Сибэкки ыһыаҕа | Н.Сибиряков тыла, мелодията | Сыһыыга түһүлгэ
Сибэкки ыһыаҕа Бу дьоллоох дойдуга Ырыаҕа аһаҕас Хос ырыата Сыһыыга тумулга Сибэкки ыһыаҕа Үөр чыычаах дойдута Үөрүүгэ аһаҕас Мин үөрэ турабын Мөндүүрэ тумулга Тапталбын ырыабын Тамныыбын тыалларга Хос ырыата Сыһыыга тамныыбын Сырдыкка үүннүн диэн Талахха тамныыбын Татыйык туойдун диэн Хос ырыата Далбаатыыр сөпсөһөн Дэйбиирдээх аар хатыҥ Билэбин мин өрүү Бүппэтин ааспатын Хос ырыата |
|
Николай Сибиряков | Сайылыкка | Н.Сибиряков тыла, мелодията | Ынахтарбын хомуйан
Кэллим киэһээ сайылыкка Ханна эрэ аптамабыыл Быылы буору көтүтэр Сайылыкка күммүт киирдэ Кэтэх тыаҕа киирэн сүттэ Ханна бардын Харытыана Ханнык эрэ Хаппытыанныын Хатыҥ чараҥ быыһынан Сыыһа халты үктэнэн Умса төннө түһэбин Тапталлаахпар ыксыыбын Сайылыкка күммүт киирдэ Кэтэх тыаҕа киирэн сүттэ Ханна бардын Хобороонньо Ханнык эрэ Хабырыыстыын Хараҥаҕа харбыалаһан Арай тиийэн кууспутум Тапталлааҕым дибиппин Маҕаачыйым буолан хаалла Сайылыкка күммүт киирдэ Кэтэх тыаҕа киирэн сүттэ Ханна бардын Киристиинэ Ханнык эрэ Кирийээнниин Сайылыкка күммүт киирдэ Кэтэх тыаҕа киирэн сүттэ Ханна түстүн тапталлааҕым Ханнык эрэ хабалыардыын. |
|
Николай Сибиряков | Тапталлаахпар | Н.Сибиряков тыла, мелодията | Наһаа үөрбүт эбиппин
Аттыбар эн бааргыттан Тапталым диэн ааттааҥҥын Эн уураан ылбыккар Арай уһуктан кэллим Мин харахпын аспытым Эн туман буолан көттүҥ Салгыҥҥа киирэн сүттүҥ Туман буолан көтүмэ Салгыҥҥа эн сүтүмэ Сүрэхпэр баар доҕорум Күүтэбин мин тапталгын Оо арай түүлүм курдук Баҕа санаам туоллун Саамай дьоллоох киһинэн Күн сиригэр мин буолуом Оо, кэбис, өйдөнүөххэ Олох устун хаамыахха Бириэмэ ааһан истин Көрдөрүөҕэ суолбутун Бириэмэ ааһан истин Көрдөрүөҕэ суолбутун Сүрэхпэр баар доҕоруом Күүтэбин эн тапталгын, тапталгын… |
|
Николай Сибиряков | Кыра кыысчааммар | Н.Сибиряков тыла, мелодията | Эрбэһиннии эргичийбит
Эрбэһиннии эрбэчийбит Чуоранчыктыы чугдаарбыт Сиэдэрэйкээн сир симэҕэ Оччугуйкаан туллугум Туру-туру туллукчааным Торо-торо сыысчааным Эргичийэр эрбэчийэр Элэстэнэр кыысчааным... кыысчааным...кыысчааным... Эрбэһиннии эрбэчийбит Чуоранчыктыы чугдаарбыт Сиэдэрэйкээн сир симэҕэ Оччугуйкаан оҕоком. Дьиэбэр киирэн кэллэхпинэ Үөрэн ыттар ис сүрэх Ахтылҕанын таһараары Ньассыын отту наскыйар Күннүү күлэн мичилийэр Кэпсээн ипсээн чуопчаарар Очурдах олох суолун Оҕо симиир олоххо Кыысчааным...кыысчааным... Эрбэһиннии эрбэчийбит Чуоранчыктыы чугдаарбыт Сиэдэрэйкээн сир симэҕэ Оччугуйкаан оҕоком. (2 төгүл) |
|
Гоша Ноговицын | Оҕо сааһым көмүс күннэрэ | Н.Сибиряков тыла, мелодията | Сибэккилээх сыһыыларга, кырдалларга
Сүүрэр көтөр оҕо сааһым ааспыта Ол онтон мин аҕаллым Күндү көмүс күннэрбин. Кэрии тыаҕа кэҕэ этэн чоргуйара, Куула тыаҕа кыра чыычаах ыллыыра, Күн кустугун тутаары Күөх хонууга көрдүүрүм Хос ырыата Ханна да буолларбын, Хаһан да буолларбын, Өйдүүбүн Оҕо сааһым көмүс күннэрин, Сибэккилээх хонууларын. 2 төгүл Ыраас ууну ыһыахтана сөтүөлүүрүм, Күнү көрсө үрүҥ түүҥҥэ тахсарым, Түптэ сыта, буруота Тунаарара алааспар. Сааһын аайы харалдьыкка ньургуһунум Үүнэн тахсар кэрэтин кэтэһэрим Оҕо саастан аҕаллым Ийэм илиитин сылааһын. Хос ырыата |
|
Пантлеймон Винокуров | Ардах муузыката | Н.Сибиряков тыла, мелодията | Күһүҥҥү куораппар
Курус ардах түһэр, Нарын ырыа тыла буолан Толорор тулабын бүгүн эмиэ... Түннүкпэр чурулуур Таммах уута сүүрэр, Кураанах уулуссаҕа биир эмит Хойутаабыт киһи сүүрэн ааһар. Ардах түһэр, ардах түһэр, Таммах ыһар суолга, Эргиччи күһүҥҥү ырыа иһиллэр. Дууһабар уһуктар Дьикти иэйии тыына. Тулабын толорор биир эрэ Музыка ... Ардах музыката. Таптыыбын күһүҥҥү Сибэкки тылларын, Бүтэһик төгүл бэлэхтиир кини Чаҕыл күнү, сайын тыынын. Туох буолуой, ааһыаҕа, Ардах астыаҕа, Хаалыаҕа салгыҥҥа сырдык санаа, Күһүҥҥү ырыа курус тыла. Хос ырыата |
|
Катя Дьячковская | Күөрэгэй | Н.Сибиряков тыла, мелодията | Көй салгыҥҥа көрүлүү көтөр,
Кустук өҥүн сиргэ түһэрэр, Сарсыарда миигин сыһыыга көрсөр Күндү көмүс күөмэй күөрэгэй. От охсор ходуһам саҕатын, Дьэ, булбут эбит бу чыычааҕым. Кып-кыра бэйэтэ ырыа кэрэтинэн Уруйдуу туойар күн сырдыгын. Хос ырыата Дьыры-дьыры-дьыр, Дьыры-дьыры-дьыр, Тырыбынай тыгыалай. Дьуру-дьуру-дьур, Дьуру-дьуру-дьур, Күрүөлээхэй күөрэгэй, Дьиктилээхэй ырыаһыт, Дьири-дьири дьирибинэй. Сыр-сыр окко хотуур тыаһыыр, Сырылас куйаас салгын ыһар, Ньир-ньир этиҥ этэн ньирилэтэр, Топ-топ ардах тобугуратар. Һат-һат, соноҕоһум айаннаа, Дьип-дьап оргууй аҕай күөгэтэн. Күөх халлааҥҥа эн күөрэй, күөрэгэй, Күн сирин далбар далбайара! Хос ырыата |
|
Пантлеймон Винокуров | Ньургуһуннар | Н.Сибиряков тыла, мелодията | Харалдьыкка сааһын
Аайытын тыллар Кэрэ, нарын сибэкки,- Ньургуһун, ньургуһунуом, Сырдык күнүм ыраас, Чаҕылхай кыыма буолан Ирбэт тоҥ буорга Үүнэр дьикти сибэкки ! Хос ырыата Ньургуһуннар тыллаллар, Мин хонуубун толороллор, 2 төгүл Ньургуһуннар, ньургуһуннар Сибэккилэр. Сахам сирин килбик Кийиитэ буолан үүнэр Алааһым нарын кыыһа Ньургуһунуом Эрэнэбин өрүү Маннык буолуо диэн Сиргэ Таптал дьол кэмэ кэлиэ Олохпутугар Хос ырыата |