19-с төгүлүн ыытыллар педагогическай дьаарбаҥка бастакы күнүгэр Мугудай нэһилиэгэр, Д.Д.Красильников аатынан Мугудай орто оскуолатыгар 1 маршрутка " Сельская социальная среда как педагогический фактор" диэн теманан проектнай үлэ күөстүү оргуйда. Барыта 96 кыттааччы Дьокуускай куорат оскуолаларыттан, республиканскай речевой оскуолаттан, Табаҕаттан, Нам, Оленек улуустарыттан педагогтар, общественнай түмсүүлэр, төрөппүттэр кыттыыны ыллылар. Эппиэтинэстээх модератордарынан ИРОиПК старшай преподавателэ Г.И.Охлопков, АНО ДПО "ЦИРО" директора Д.К.Титов үлэлээтилэр. Нэһилиэк социокультурнай аналиһын баһылык Николай Иннокентьевич Аммосов, оскуола директора Николай Кузьмич Пермяков, уһуйаан сэбиэдиссэйэ Аксинья Алексеевна Сивцева иһитиннэрдилэр. Баар кыһалҕалар тула 4 секциянан республика араас улуустарыттан кэлбит кыттааччылар хамаанда буоланнар элбэх ырытыһыылаах, толкуй тобулуулаах уопут атастаһыылаах үлэ буолла. Түмүккэ экспертэр иннилэригэр проектар көмүскэнэн саамай үлэлиэн сөптөөх проект кыайыылааҕынан тахсан гранынан наҕараадаланна.